 |
| OP നയ്യാര്‍ |
 |
| മുഹമ്മദ്‌ റാഫി&OP നയ്യാര്‍ |
ഇന്ത്യന്‍ സംഗീത രംഗത്തേക്ക് മുഹമ്മദ്‌ റാഫി ഉള്‍പ്പെടെയുള്ള മഹാരഥന്മാ രെ സമ്മാനിച്ച പഞ്ചാബി സമൂഹത്തില്‍ നിന്ന് വന്ന അദേഹത്തിന്റെ ഗാനങ്ങള്‍ പഞ്ചാബി നാടോടി സംഗീതത്തിന്റെയും പാശ്ചാത്യ സംഗീതത്തിന്റെയും സമ്മിശ്രണമാണ്.
 |
| ആശ ഭോസ്ലെ&OP.നയ്യാര്‍ |
ആ കാല ഘട്ടത്തിലെ പ്രമുഖ ഗായിക ലത മങ്കേഷ്കറെ കൊണ്ട് ഒരു ഗാനം പോലും പാടിപ്പിച്ചിട്ടില്ലാത്ത അദേഹം ആശ ഭോസ്ലെ ,ഗീത ദത്ത്,ഷംഷാദ് ബീഗം ,മഹേന്ദ്ര കപൂര്‍ എന്നിവരെ മുന്‍നിരയിലെക്കുയര്‍ത്തിക്കൊണ്ട് വന്നു.
ഏറ്റവും കൂടുതല്‍ പ്രതിഫലം പറ്റുന്ന സംഗീത സംവിധായകനായിരുന്ന അദ്ദേഹം സഹകരിച്ച ചിത്രങ്ങളില്‍ ഗുരുദത്തിന്റെയും ശക്തി സാമന്തയുടെയുമൊഴിച്ചു ഏറെയും അപ്രശസ്തരായ സംവിധായകരുടെയോ രണ്ടാ നിര താരങ്ങളുടെയോ ആയിരുന്നു. എന്നാല്‍ അദ്ദേഹത്തിന്റെ സംഗീതം അവയ്ക്ക് ഏറെ ജനശ്രദ്ധ നേടി കൊടുത്തു.
OP യുടെ സംഗീതത്തിലെ പ്രത്യേകതകള്‍ തിരിച്ചറിഞ്ഞ ഗായിക ഗീത ദത്ത് തന്റെ ഭര്‍ത്താവും സംവിധായകനുമായ ഗുരു ദത്തിനോട് ശുപാര്‍ശ ചെയ്തു. ഗുരു ദത്തിന്റെ ആര്‍ പാര്‍ ,CID, Mr&Mrs 55 ഏന്നീ ചിത്രങ്ങളിലൂടെയാണ് OP നയ്യാറിന്റെ ഗാനങ്ങള്‍ ശ്രദ്ധിക്കപ്പെട്ടു തുടങ്ങിയത്.ഷംഷാദ് ബീഗം ,ഗീത ദത്ത്,മുഹമ്മദ്‌ റാഫി എന്നിവര്‍ ആലപിച്ച ഈ ചിത്രങ്ങളിലെ ഗാനങ്ങള്‍ എല്ലാം ഹിറ്റായി തീര്‍ന്നു . ഇതോടു കൂടി OP ബോളിവുഡിലെ തിരേക്കേറിയ സംഗീത സംവിധായകനായി മാറി.
ബാബുജീ ധീരേ ചല്‍നാ -ഗീത ദത്ത്-ആര്‍ പാര്‍
കഭി ആര്‍ കഭി പാര്‍ -ഷംഷാദ് ബീഗം -ആര്‍ പാര്‍
ഉധര്‍ തും ഹസീ ഹോ -ഗീത ദത്ത് ,റാഫി -Mr.& Mrs.55
12 Oക്ലോക്ക്,ഹൌറ ബ്രിഡ്ജ് ,ഫിര്‍ വഹി ദില്‍ ലായ ഹും ,ഏക് മുസാഫിര്‍ ഏക് ഹസീന ,നയാ ദൌര്‍ ,മേരെ സനം, കിസ്മത് ,കാശ്മീര്‍ കി കലി മുതലായവ അദ്ദേഹത്തിന്റെ ശ്രദ്ധേയ ചിത്രങ്ങളാണ്.
ആയീയെ മെഹര്‍ബാന്‍-ആശ ഭോസ്ലെ -ഹൌറ ബ്രിഡ്ജ്
മേം പ്യാര്‍ കാ രാഹീ ഹൂം -ആശ ഭോസ്ലെ& റാഫി-ഏക് മുസാഫിര്‍ ഏക് ഹസീന
കജ്റ മുഹബത് വാലാ -ഷംഷാദ് ബീഗം,ആശ ഭോസ്ലെ& റാഫി-കിസ്മത്
താരീഫ് കരൂം ക്യാ ഉസ്കാ -റാഫി -കാശ്മീര്‍ കി കലി
പുകാര്താ ചലാ ഹൂം -റാഫി-മേരെ സനം
നയാ ദൌര്‍ ലുടെയാണ് ആശ ഭോസ്‌ലെയെ മുന്‍ നിര ഗായകിയായി ഉയര്‍ത്തിക്കൊണ്ടു വരുന്നത്. .അതു വരെ ഡാന്‍സ് ഗാനങ്ങളില്‍ മാത്രം ഒതുങ്ങിപ്പോയിരുന്ന ആശ ഭോസ്ലെ ആദ്യമായി ഒരു ചിത്രത്തിലെ മുഴുവന്‍ ഗാനങ്ങളും ആലപിച്ച ചിത്രം കൂടിയായിരുന്നു നയാ ദൌര്‍.
മാന്‍ഗ് കെ സാത് -ആശ ഭോസ്ലെ& റാഫി-നയാ ദൌര്‍
OP യുടെ ട്രേഡ് മാര്‍ക്കായ കുതിര കുളമ്പടി [Tanga beats ] പാട്ടുകളില്‍പ്പെടുന്ന ഒന്നാണിത്. ഇതേ ജനുസ്സില്പ്പെടുന്ന മറ്റൊരു ഗാനം.
ഹോല്ലേ ഹോല്ലേ സാജ്ന-ആശ ഭോസ്ലെ-സാവന്‍ കി ഘടാ
വികാര തീവ്രത നിറഞ്ഞ ഗാനങ്ങള്‍ അദ്ദേഹത്തിന്റെ മറ്റൊരു പ്രത്യേകതയായിരുന്നു .
ജായീയെ ആപ് കഹാന്‍ -ആശ ഭോസ്ലെ-മേരെ സനം
ആന്ഖോന്‍ സെ ഉത്‌രീ-ആശ ഭോസ്ലെ-ഫിര്‍ വഹീ ദില്‍ ലായ ഹൂം .
വോ ഹസീന്‍ ദര്‍ദ് ദേതോ -ആശ ഭോസ്ലെ-ഹം സായ
പിന്നണി ഗാന രംഗത്തു സഹോദരി ലത മന്കെഷ്കരുടെ സമ്പൂര്‍ണ അധിപത്യതിലും ആശയ്ക്ക് തന്റെ സ്ഥാനം ഉറപ്പിക്കാനയത് OP ഗാനങ്ങളിലുടെയാണ്.തൊഴില്‍ പരമായ അടുപ്പം വ്യക്തിപരമായ അടുപ്പത്തിലേക്ക് വളരുകയും അതിന്റെ ഫലമായി OP ഗാനങ്ങളില്‍ ആശ ഭോസ്ലെ മാത്രമാകുകയും ഷംഷാദ് ബീഗം ,ഗീത ദത്ത് എന്നിവരെ ഒഴിവാക്കപ്പെടുകയും ചെയ്തു.പക്ഷെ ആ ബന്ധത്തിന്റെ രസതന്ത്രം ഒട്ടനവധി ഹിറ്റ് ഗാങ്ങള്‍ക്ക് ജന്മം നല്‍കി.ഇതില്‍ ഹിന്ദിയിലെ ഏറ്റവും ജനപ്രീതിയാര്‍ന്ന വശീകരണ [seductive ] ഗാനങ്ങളും ഉള്‍പ്പെടുന്നു.
ആവോ ഹുസൂര്‍ -ആശ ഭോസ്ലെ-കിസ്മത്
യെ രേഷ്മീ സുല്‍ഫോന്‍ കാ -ആശ ഭോസ്ലെ-മേരെ സനം
ഹിന്ദി ചലച്ചിത്രങ്ങള്‍ കൂടാതെ ഒരു തെലുങ്ക് ചിത്രം [നീരാന്ജനം] പീനാസ് മസാനി , റൂണ ലൈല തുടങ്ങിയവരോടത്തുള്ള പോപ്പ് ആല്‍ബങ്ങളും അദ്ദേഹത്തിന്റെ മാസ്മരിക സംഗീതത്തില്‍ പുറത്തിറങ്ങിയിട്ടുണ്ട്.
അല്ലാഹ് രെ ഇസ് ദില്‍ നെ -റൂണ ലൈല
OP തന്റെ അഭിപ്രായങ്ങളും നിലപാടുകളും തുറന്നു പറയുന്നതിലും കാര്‍ക്കശ്യത്തിനും പ്രശസ്തനായിരുന്നു.തന്റെ കവിതെയാണ് OPടെ ഗാനങ്ങളെ ശ്രദ്ധേയമാകുന്നെതെനു പറഞ്ഞ പ്രശസ്ത ഗാനരചയിതാവ് സാഹിര്‍ ലുധിയാന്‍വിയെ പിന്നിട് തന്റെ ചിത്രങ്ങളില്‍ നിന്നൊഴിവാക്കി. റിക്കാര്‍ഡിങ്ങിനു താമസിച്ചെത്ത്തിയത്തിനു മുഹമ്മെദ് റാഫി ,സാരംഗി വാദകന്‍ രാം നാരായണ്‍,പുല്ലാങ്കുഴല്‍ വാദകന്‍ ഹരി പ്രസാദ്‌ ചൌരസ്യ എന്നിവരൊക്കെ അദേഹത്തിന്റെ ദേഷ്യത്തിന് പാത്രമായിട്ടുണ്ട്.
ലത മങ്കേഷ്കറെ അകറ്റി നിര്ത്തിയതിനുള്ള അദ്ദേഹത്തിന്റെ ന്യായം അവരുടെ ശബ്ദം വളരെ നേര്ത്തതും ഉച്ചസ്ഥായിലുള്ളതല്ല എന്നായിരുന്നു.കൂടാതെ തനിക്കു പ്രചോദനം ലഭിക്കുന്നത് സൌന്ദര്യത്തില്‍ നിന്നാണെന്നും അതിലും അവര്‍ ഒരു സാധാരണ സ്ത്രീ മാത്രമാണന്നുമായിരുന്നു അദ്ദേഹത്തിന്റെ വാദം.
മുഹമ്മദ്‌ റാഫിയുമായി വേര്‍പിരിഞ്ഞതിനു ശേഷം അദ്ദേഹം മഹേന്ദ്ര കപൂറിനെ ഉയര്‍ത്തിക്കൊണ്ടു വന്നു .കുറച്ചു ചിത്രങ്ങളില്‍ കിഷോര്‍ കുമാറും ,മുകേഷും ഗാനങ്ങള്‍ ആലപിച്ചിട്ടുണ്ട് .
കഹാന്‍ സെ ലായീ -മഹേന്ദ്ര കപൂര്‍ -ദില്‍ ഓര്‍ മുഹബത്
മേരി ജാന്‍ തും പെ-മഹേന്ദ്ര കപൂര്‍,ആശ ഭോസ്ലെ -സാവന്‍ കി ഘടാ .
രൂപ തേരാ ഐസാ -കിഷോര്‍ കുമാര്‍ -ഏക് ബാര്‍ മുസ്കരാ ദോ
ചല്‍ അകേല -മുകേഷ് -സംബന്ധ്
ഉര്‍ദു കവിതകളെ ഇഷ്ടപ്പെട്ടിരുന്ന അദേഹത്തിന്റെ സംഗീതത്തിനു വരികള്‍ രചിച്ചവരേറെയും ഉര്‍ദു കവികളും കൂടിയായിരുന്നു.
കവിതകള്‍, മദ്യം ,സ്ത്രീകള്‍ ഇതാണ് തന്റെ പ്രചോദനമെന്നു ഒരു അഭിമുഖത്തില്‍ പറഞ്ഞിട്ടുണ്ട്.OP സംഗീത ലോകത്ത് മാത്രമല്ല ജീവതത്തിലും ഒരു റിബല്‍ തന്നെയായിരുന്നു.
70-കളുടെ തുടക്കത്തില്‍ OP ആശ ബന്ധം വഷളാകുകയും പ്രാണ്‍ ജായെ പര്‍ വചന്‍ ന ജായെ എന്ന ചിത്രത്തോടെ OP ആശ മാജിക് അവസാനിക്കുകയും ചെയ്തു. ചയീന്‍ സെ ഹം കോ കഭി ആയിരുന്നു ആ കൂടുകെട്ടിന്റെ ഹംസ ഗാനം.ഈ ഗാനത്തിന് ഫിലിം ഫെയര്‍ അവാര്‍ഡ്‌ ലഭിച്ചിട്ടും ആശ അവാര്‍ഡ്‌ വാങ്ങാനായി ചെന്നിരുന്നില്ല .
ചൈന്‍ സെ ഹം കോ കഭി -ആശ ഭോസ്ലെ-പ്രാണ്‍ ജായെ പര്‍
വചന്‍ ന ജായെ
ആശക്ക്‌ ശേഷം പുതിയ ഗായികമാരെ പരീക്ഷിച്ചെങ്കിലും പഴയ മാജിക് ആവര്‍ത്തിക്കാനായില്ല.70 കളുടെ അവസാനം ചലച്ചിത്ര ലോകത്ത് നിന്ന് പിന്‍ വാങ്ങിയ OP 1992 ഇല്‍ നിശ്ചായ്‌,സിദ് എന്നീ ചിത്രങ്ങളിലൂടെ തിരിച്ചുവരവ്‌ നടത്തി.
ദേഖോ ദേഖോ തും -അമിത് കുമാര്‍ & കവിത കൃഷ്ണമൂര്‍ത്തി -നിശ്ചയ്
ആ ഗാനങ്ങളും ശ്രദ്ധേയമായെങ്കിലും തന്റെ സംഗീതം ഈ കാലത്തോട് ചേര്‍ന്ന് പോകില്ല എന്ന് മനസിലാക്കിയ അദേഹം എന്നെന്നേക്കുമായി പിന്മാറി .പിന്നിട് കുടുംബത്തില്‍ നിന്നുമകന്നു ഏകാന്ത വാസം നയിച്ച അദ്ദേഹം 2007 ഇല്‍ അന്തരിച്ചു. സംഗീതത്തിലും ജീവിതത്തിലും വേറിട്ട വഴികളിലുടെ നടന്ന അദ്ദേഹത്തിന്റെ അനശ്വര ഗാനങ്ങള്‍ ആസ്വാദകരില്‍ നിന്ന്ഒരിക്കലും വേര്‍പെട്ടു പോകുന്നില്ല .
